Aaj ke time me video banana sab kar rahe hai. Mobile hai, internet hai, platform ready hai. Lekin problem yahi hai — views nahi aa rahe.
Aur agar views nahi aaye, to content chahe kitna bhi acha ho, kisi kaam ka nahi. Yaha par sabse important cheez hoti hai — HOOK.
Hook matlab video ke pehle 2–3 second. Wahi decide karta hai banda rukega ya swipe karega.
Is article me main aapko 20 se zyada aise hook ideas bataunga, jinpar video bana kar log lakho views le chuke hai. Koi theory nahi, koi bookish gyaan nahi. Bilkul practical, real life tested cheezein.
Chahe aap Youtube Shorts bana rahe ho, Instagram Reels, Facebook video, ya normal Youtube video — ye sab jagah kaam karega.
Hook Itna Important Kyu Hai
Zyada log yaha galti karte hai. Wo sochte hai content important hai, hook baad me.
Sach bolu to, content tab kaam aata hai jab banda ruk jaye. Aur rukne ka kaam sirf hook karta hai.
Example samjho. Road par 100 dukaan hai. Sabka maal acha hai. Lekin jo dukan dikhti achi hai, jiska board alag hai, wahi pehle customer ko rokti hai.
Video ka hook bhi wahi board hai.
Agar hook weak hai, to algorithm bhi aapka dushman ban jata hai. Retention girta hai, watch time nahi banta, aur video daba diya jata hai.
Hook Banana Matlab Kya Nahi Hai
Pehle ye clear kar lete hai.
- Hook matlab jhoot bolna nahi
- Hook matlab clickbait thopna nahi
- Hook matlab cheekhna chillana nahi
- Hook matlab sirf English bolna nahi
Hook matlab interest create karna. Simple.
Ab chalo seedha kaam ki baat par aate hai.
1. Shock Statement Hook
Is type ke hook me aap aisi baat bolte ho, jo normal log expect nahi karte.
Example:
“Youtube par mehnat se views nahi aate.”
Ya
“99 percent log is wajah se fail ho jaate hai.”
Isme log sochte hai, ye kya bol raha hai, sunna padega.
Kaun use kare
Motivation, business, earning, tech, education wale log.
2. Direct Question Hook
Question dimag ko automatically activate kar deta hai.
Example:
“Kya aap bhi video banate ho lekin views nahi aate?”
“Sach batao, aap bhi ye galti kar rahe ho na?”
Audience ko lagta hai, haan bhai, ye meri hi baat ho rahi hai.
3. Relatable Pain Hook
Sabse powerful hook ye hota hai.
Aap seedha audience ka dard bol dete ho.
Example:
“Roz video upload karte ho, phir bhi 200 views?”
“Ghar wale bolte hai ye sab chhod ke kaam dhoondo?”
Jab dard hit karta hai, banda kahin nahi jaata.
4. Mistake Reveal Hook
Log apni galti jaanne ke liye ruk jaate hai.
Example:
“Aap video start me ye kar rahe ho, isi wajah se views nahi aate.”
“Is ek mistake ne mera channel doobaya tha.”
Bas dhyan rakho, baad me solution zarur dena.
5. Secret Type Hook
Secret word bahut powerful hai.
Example:
“Ek secret bata raha hoon jo koi creator nahi batata.”
“Ye trick public nahi hai.”
Par yaha honesty zaruri hai, warna trust toot jaata hai.
6. Result First Hook
Isme pehle result dikhao, baad me process.
Example:
“Is video se mujhe 5 lakh views mile.”
“Is reel ne mere 10k followers badha diye.”
Proof ho to aur strong ban jaata hai.
7. Before After Hook
Transformation logon ko attract karta hai.
Example:
“Pehle 100 views, aaj 1 lakh.”
“Is tarah se meri life change hui.”
Simple sa visual bhi kaafi hota hai.
8. Authority Hook
Jab aap thoda credibility dikhate ho.
Example:
“5 saal se content bana raha hoon, tab ye samjha.”
“1000 videos ke baad ye cheez clear hui.”
Fake mat banao, warna comments me pakde jaoge.
9. Story Start Hook
Kahani se behtar kuch nahi hota.
Example:
“Ek din mere channel par sirf 12 views aaye.”
“Us din maine socha, bas ab band.”
Story me flow hona chahiye.
10. Common Belief Todne Wala Hook
Log jo sochte hai uska ulta bolo.
Example:
“Daily upload karna zaruri nahi hai.”
“Quality se zyada timing matter karti hai.”
Isme curiosity banti hai.
11. Warning Hook
Alert type hook bhi kaam karta hai.
Example:
“Agar aap ye kar rahe ho to channel khatam.”
“Ye cheez ignore ki to growth bhool jao.”
Dar thoda hona chahiye, over nahi.
12. Challenge Hook
Audience ko challenge do.
Example:
“Is video ke baad bhi agar views na aaye, to comment karo.”
“Main prove karta hoon ye kaam karta hai.”
Confidence zaruri hai yaha.
13. Time Bound Hook
Limited time wali feeling.
Example:
“Agale 30 din me result chahiye to suno.”
“2026 me ye sabse kaam ki trick hai.”
Urgency ban jaati hai.
14. Myth Busting Hook
Log myths pasand karte hai.
Example:
“Shadowban ek myth hai.”
“Algorithm aapse naraaz nahi hai.”
Explanation strong honi chahiye.
15. Simple Line Hook
Kabhi kabhi simple hi best hota hai.
Example:
“Ye video aapke liye important hai.”
“Isko skip mat karna.”
Delivery natural honi chahiye.
16. Visual Action Hook
Bina bole bhi hook banta hai.
Example:
Screen par kuch todna, page tear karna, sudden movement.
Eye rukti hai, phir dimag.
17. Screenshot Proof Hook
Proof dikhao.
Example:
Analytics ka screenshot, earning ka graph, reach ka number.
Fake mat lagna chahiye.
18. Beginner Friendly Hook
New logon ko attract karta hai.
Example:
“Agar aap bilkul new ho, to ye dekho.”
“Zero se start karne wale suno.”
Audience connect karti hai.
19. Mistake Counting Hook
Number ka use karo.
Example:
“3 galtiyaan jo aap roz kar rahe ho.”
“5 cheezein jo views maar deti hai.”
Simple aur effective.
20. Experience Based Hook
Personal touch lao.
Example:
“Maine bhi ye sab try kiya hai.”
“Mere saath bhi ye hua tha.”
Trust build hota hai.
21. Comparison Hook
Compare karo.
Example:
“Is tarah ka hook vs us tarah ka hook.”
“Short vs long intro.”
Visual comparison aur better hota hai.
22. Silence Hook
Video start me 1 second chup.
Phir bolna.
Algorithm aur audience dono notice karte hai.
Hook Use Karte Time Dhyan Rakhe
- Hook aur content match hona chahiye
- Audience ko dhoka mat do
- Natural delivery rakho
- Copy kam, practice zyada
Hook likhna skill hai. Ek din me perfect nahi hota.
Roz analyze karo, kis video par log ruke, kis par skip.
Shorts, Reels Aur Long Video Ke Liye Hook Difference
Shorts aur reels me hook 1 second ka hota hai.
Long video me aap 5–10 second le sakte ho.
Lekin rule same hai, interest pehle, intro baad me.
Real Advice Jo Kaam Karti Hai
Camera on karte hi hello mat bolo.
Naam, channel, subscribe baad me.
Pehle ye batao, viewer ko fayda kya milega.
Tab hi wo rukega.
Conclusion
Views koi magic se nahi aate.
Hook sahi, content simple, delivery natural.
Agar aap in 20+ hook ideas ko honestly try karte ho, to views ka graph upar jaana hi hai.
Bas ek baat yaad rakho, log content nahi, pehle hook dekhte hai.